Қозоғистонда биринчи марта коронавирусга қарши вакцинадан фойдаланилди

Жаҳон 13:41 / 01.08.2020 29382

«Хабар-24» хабарига кўра, марказ директори Қайсар Табинов вакцина билан эмланди.

COVAX-19 вакцинаси Австралияда ишлаб чиқилган бўлиб, ҳозирча клиник синовларнинг биринчи босқичидан ўтмоқда.

30 июль куни Қозоғистонда маҳаллий мутахассислар томонидан ишлаб чиқилаётган вакцина дастлабки синовлардан муваффақиятли ўтгани ҳақида ТАСС хабар берган эди. Унинг асосий клиник синовлари сентябрь ойида бошланиши кутилмоқда.

29 июль куни Қозоғистон президенти Қосим-Жўмарт Тўқаев коронавирус пандемияси билан боғлиқ вазият мураккаблашгани туфайли, 2 августгача жорий қилинган қатъий карантин чекловларини яна узайтирган эди. 30 июлдан бошлаб қозоғистонликлар учун кўчаларда тиббий ниқобларни тақиш мажбурий қилинди.

Жонс Ҳопкинс университети маълумотига кўра, Қозоғистонда коронавирус юқтириб олганлар сони 90367ни, вафот этганлар сони 793ни ташкил қилади.

Кўпроқ янгиликлар