Японияда тошқинлар ва кўчкилар оқибатида 57 киши ҳалок бўлди

Жаҳон 07:17 / 08.07.2020 8222

 

Япониянинг жануби-ғарбида жойлашган Кюсю оролида уч кун давом этган кучли ёмғирлардан кейин 57 киши ҳалок бўлди, 16 киши бедарак йўқолди.

Расман ҳалок бўлганлар рўйхатига 57 киши киритилган, яна 2 киши юрак ва ўпка фаолияти тўхтаган ҳолатда деб қайд қилинган, чунки Японияда ўлимни фақатгина махсус тиббий ходим белгиланган тартибот бўйича қайд қила олади. Барча ҳалок бўлганлар кучли ёмғирлар оқибатида юз берган тошқинлар ва кўчкилар қурбонлари бўлган. 

Айни вақтда ёмон об-ҳаво фронти Япониянинг бош ороли – Хонсюнинг марказий қисмидаги Нагано ва Гифу префектураларига кўчган. У ерда тошқинлар ва тоғ кўчкилари юз бериши хавфи сабабли 54 мингдан кўпроқ одамга эвакуацияланиш тавсия қилинган. 

Фалокат ҳудудига маҳаллий қутқарувчиларга ёрдамга 20 мингга яқин ҳарбий юборилган.

Кўпроқ янгиликлар