Dunyoning birinchi raketkasi Novak Jokovichda koronavirus aniqlandi

Sport 19:47 / 23.06.2020 4862

Tennis bo‘yicha dunyoning birinchi raketkasi Novak Jokovich koronavirus yuqtirdi. Bu haqda serbiyalik sportchining o‘zi ma'lum qilgan.

«Biz virus chekina boshlagan vaqtda turnir tashkil qildik va bu uchun xavfsiz sharoit bor deb o‘yladik. Afsuski, virus chekinmadi. Menda koronavirus aniqlandi. 14 kunlik karantinga ketyapman, 5 kundan keyin yana test topshiraman», degan tennischi bu boradagi bayonotida.

Dunyoning birinchi raqamli raketkasi o‘z vatani Serbiyada Adria Tour nomli ko‘rgazmali turnir tashkil etgandi. Unda qatnashgan tennischi Grigor Dimitrov, Jokovichning fitness-murabbiyi, shuningdek, sportchining xotinida ham virus aniqlangan. Ma'lum bo‘lishicha, turnir ishtirokchilari masofa saqlashga e'tibor qaratmagan va restoranlarga ko‘ngilxushlik qilgan.

Ma'lumot uchun, Jokovich 17 marta «katta dubulg‘a» turkumidagi musobaqalarda g‘olib bo‘lgan. U tennis tarixida mavsum davomida nafaqat barcha to‘rtta «katta dubulg‘a» musobaqalarini, balki barcha to‘qqiz ATP turkumidagi musobaqalarni yutgan yagona sportchi hisoblanadi.

Ko‘proq yangiliklar: