APLda 28-turning qoldirilgan o‘yini yakunlandi. O‘z maydonida «Arsenal»ni qabul qilgan «Manchester Siti» 3:0 hisobida g‘alaba qozondi. Sterling, De Bryuyne va Foden tomonidan kiritilgan gollar «shaharliklar»ga g‘alaba keltirdi.

O‘yinda jarohatlar ko‘p bo‘ldi. «Arsenal»dan Pablo Mari va Granik Chakalar 20-daqiqaga keliboq jarohat olib maydonni tark etgan bo‘lsa, manchesterliklar vakili Erik Garsiya maydonni shifokorlar yordamida tark etdi. Unga juda ko‘p vaqt yordam berilgani va o‘zgarishlar ko‘p bo‘lgani sabab hakam uchrashuvga 11 daqiqa qo‘shib berishga majyuur bo‘ldi.

Bu g‘alabadan keyin «Manchester Siti»ning ochkolari soni 60taga yetdi va Gvardiola jamoasi «Liverpul» bilan farqni 22 ochkogacha qisqartirib oldi.

Angliya chempionati, 28-turning qoldirilgan o‘yini

Manchester Siti – Arsenal 3:0

Gollar: Sterling (45), Bryuyne (51, penalti de), Foden (90).
Manchester Siti: Ederson, Erik Garsiya, Uoker, Laport (Fernandino, 70), Mendi, Silva (Bernardu Silva, 65), de Bryuyne (Rodri Ernandes, 70), Marez (Foden, 65), Gyundogan, Sterling, Gabriel Jyezus (Aguero, 80).
Arsenal: Leno, Mari (David Luiz, 24), Belerin, Mustafi, Tirni, Uillok (Nelson, 67), Genduzi (Meytlend-Naylz, 67), Chaka (Sebalos, 8), Obameyang, Nketia (Lyakazett, 67), Saka.
Chetlatish: David Luis (49).