Пекин ҳукумати савдони жонлантириш учун аҳолига 1,7 млрд доллар тарқатади 

Жаҳон 01:12 / 06.06.2020 2952

Пекин ҳукумати коронавирус пандемияси сабабли сотувлар пасайиб кетганидан кейин аҳолини кўпроқ пул сарфлашга рағбатлантириш учун истеъмол ваучерлари чиқаради. Бу ҳақда Bloomberg хабар бермоқда

Агентликнинг ёзишича, Хитой пойтахти ҳукумати ваучерлар дастури доирасида 12,2 млрд юань (1,7 млрд доллар) ажратишни режалаштирган. Аҳоли бу пулларни дўконлардан ўзига керакли буюмларни сотиб олишга ёки кейтеринг, туризм, таълим ва спорт соҳаларига сарфлаши мумкин. Ваучерлар шанба кунидан тарқатила бошланади.

Пекиндаги ритейлерлар савдоси 2020 йилнинг дастлабки тўрт ойи давомида 20,4 фоизга, мамлакат бўйича эса 16,2 фоизга тушиб кетган. 

Маълумот берилишича, Хитойдаги камида 50та шаҳар 6 млрд юанлик (846 млн доллар) ваучер тарқатган.  

Кўпроқ янгиликлар