Unga ko‘ra, oliy ta'lim muassasalariga hujjatlarni qabul qilish 15 iyundan 15 iyulga qadar davom etadi. 

“15 iyul kuni 00.00da hujjatlar qabuli to‘xtatiladi. So‘ngra hujjatlarni guruhlash, abituriyentlarga imtihonga kirish uchun ruxsatnoma tayyorlash jarayonlari amalga oshiriladi. Abituriyentlar ruxsatnomani Davlat test markazining rasmiy saytida (dtm.uz) olishlari mumkin bo‘ladi. Ruxsatnomani olish tartibi bo‘yicha roliklar orqali ma'lumot berish yo‘lga qo‘yiladi.

Davlat qabul komissiyasiga ko‘ra, kirish imtihonlarini 25 iyuldan boshlash va 20 avgustgacha davom ettirish rejalashtirilmoqda. Aniq sanalar haqida yana qo‘shimcha ma'lumot beriladi”, deya Majid Karimovning so‘zlarini keltirmoqda Kun.uz muxbiri.