Жаҳон иқтисодиёти кўрсаткичлари янада пасайииши маълум қилинди

Жаҳон 00:40 / 27.05.2020 2718

Жаҳон иқтисодиёти пасайиб кетди ва 2020 йил натижаларига кўра аввал кутилганидан ҳам кўпроққа тушиб кетади. Бу ҳақда Fitch агентлигининг янгиланган прогнозида айтилмоқда.

Апрель охирида агентлик таҳлилчилари глобал ЯИМ йил якунларига кўра 3,9 фоизга камайишини тахмин қилганди, аммон эндиликда бу рақам 4,6 фоизга тенг бўлиши тахмин қилинмоқда. Бунга Евроҳудуд ва Буюк Британия иқтисодиётининг пасайиши борасидаги кутишларнинг қайта кўриб чиқилиши сабаб бўлди. Экспертлар пасайиш мос равишда 8,2 ва 7,8 фоизни ташкил қилишини кутишмоқда. Аввалги прогнозда бу кўрсаткич 7 ва 6,3 фоизга тенг бўлиши тахмин қилинганди.

Шунингдек, ривожланаётган мамлакатлар ЯИМ пасайиши бўйича ҳам тахминлар ёмонлашган. Йил якунига кўра, пасайиш 4,5 фоизни ташкил этади (Хитойни ҳисобга олмаганда), апрелда пасайиш 1,9 фоиз бўлиши тахмин қилинганди. 

Экспертлар Бразилия, Ҳиндистон ва Россия бўйича энг салбий прогнозларни бермоқда.  

Хитой, АҚШ ва Япония иқтисодиёти пасайиши кўрсаткичлари аввалгидек қолди. Уларда бу рақам мос равишда 0,7, 5,6 ва 5 фоизга тенг бўлади.

Жаҳон иқтисодиётининг пасайишига коронавирус пандемияси оқибатида мамлакатларда киритилган турли чеклов чоралари сабабли йирик ишлаб чиқаришлар ва хизматларнинг тўхтаб қолганлиги сабаб бўлмоқда.

Кўпроқ янгиликлар