20:47 / 23.05.2020
36004
Тожикистонга ўтган тўрт ойда берилган гуманитар ёрдам миқдори маълум қилинди. Энг кўп ёрдам Ўзбекистондан

Тожикистонга январь-апрель ойларида 4 минг тонна ёрдам юки, жумладан, тиббиёт воситалари, дори-дармонлар ва озиқ-овқат маҳсулотлари етказиб берилган.

Жорий йилнинг дастлабки тўрт ойида Тожикистонга жаҳоннинг 43 мамлакатидан гуманитар ёрдам келган. Бу ҳақда Тожикистон президенти ҳузуридаги статистика агентлигига таяниб Анадолу агентлиги хабар берди.

Қайд этилишича, мамлакатга берилган гуманитар ёрдамнинг умумий миқдори 7 млн 787 минг долларни ташкил этган.

Тожикистонга январь-апрель ойларида 4 минг тонна ёрдам юки, жумладан, тиббиёт воситалари, дори-дармонлар ва озиқ-овқат маҳсулотлари етказиб берилган. Бу ўтган йилнинг шу даврига нисбатан қарийб уч бараварга камдир.

Мамлакатга энг кўп ёрдам кўрсатган давлатлар Ўзбекистон - 2,5 миллион доллар, Хитой - 2 миллион доллар ва Россия - 865 минг доллар бўлган.

Ўтган йили Тожикистонга жаҳоннинг 55 мамлакатидан умумий қиймати 54,7 млн долларлик 18,3 минг тонна гуманитар ёрдам берилган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top