21:35 / 23.05.2020
3663
Эрон президенти 30 майдан давлат хизматчилари ишга чиқишини маълум қилди

Рамазон ойи якунланиши муносабати билан мамлакатдаги зиёратгоҳ ва масжидлар олти соатга очилади. 26 майдан музейлар, диққатга сазовор масканлар, тарихий жойлар фаолият бошлайди.

Эрон президенти Ҳасан Руҳоний мамлакатда коронавирус тарқалиши сабабли киритилган чеклов чоралари юмшатилишини эълон қилди. Бу ҳақда Mehr агентлиги хабар бермоқда.

"Руҳоний мамлакатда коронавирус тарқалиши назоратга олинганини ва ўлим суръати пасайиши яхши янгилик эканлигини айтди", - дейилади хабарда.

Руҳонийнинг сўзларига кўра, 30 майдан давлат хизматчиларининг масофадан ишлашни тўхтатиб, иш жойларига қайтади.

Рамазон ойи якунланиши муносабати билан мамлакатдаги зиёратгоҳ ва масжидлар олти соатга очилади.

26 майдан музейлар, диққатга сазовор масканлар, тарихий жойлар фаолият бошлайди.

Охирги сутка давомида Эронда коронавирусга чалиниш билан боғлиқ 1,8 мингта ҳолат қайд этилган, мамлакатда касаллик юқтирганлар сони 1133,5 мингдан ошган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top