2020 йил 20 май куни Ўзбекистон Республикаси президентининг Афғонистон бўйича махсус вакили Исматулла Эргашев АҚШнинг фавқулодда ва мухтор элчиси Даниел Нейтан Розенблюм билан видеоконференцалоқа шаклида музокаралар ўтказди.

ТИВ хабарига кўра, турли соҳаларда икки томонлама ҳамкорлик ҳолати ва ривожлантириш истиқболлари кўриб чиқилди, шунингдек, Афғонистондаги ҳозирги вазият юзасидан фикр алмашилди.

Суҳбат чоғида энергетика, транспорт-коммуникация ва бошқа соҳаларда турли лойиҳаларни биргаликда амалга ошириш бўйича Ўзбекистон ва Афғонистон ўртасидаги ҳамкорликнинг устувор йўналишлари ҳам муҳокама қилинган.