Bu haqda NDTV telekanali xabar berdi.

Ta'kidlanishicha, siklon avval ko‘rilmagan ko‘lamdagi talofatlar keltirgan.

Avvalroq siklondan G‘arbiy Bengaliyada 12 kishi, Odisha shtatida 2 kishi va qo‘shni Bangladeshda 7 kishi halok bo‘lgani ma'lum qilingan.

Mahalliy hokimiyatning ta'kidlashicha, “Amfan” G‘arbiy Bengaliyaga keltirgan ziyon koronavirus pandemiyasidan ko‘ra kuchliroq bo‘lgan.

Hindiston va Bangladesh 1999 yildan beri eng vayronkor dovul bo‘lishi aytilayotgan “Amfan” zarbasiga uchradi. Dovul koronavirus pandemiyasi avj olgan vaqtda yopirilgani sabab Osiyoning aholi zich bo‘lgan qismlaridan birida virusga chalinishning yangi o‘choqlarini keltirib chiqarishi mumkin.