Xabar qilinishicha, ushbu charter reyslar orqali respublikaga birinchi navbatda keksalar, og‘ir bemorlar, homilador (7 oylikkacha) va yosh bolali ayollar, imkoniyati cheklangan fuqarolar olib kelingan. Bundan tashqari, og‘ir vaziyatga tushib qolgan o‘zbekistonliklarga ham imkoniyat taqdim etilgan.

Ushbu reyslarda vatanga qaytarilgan o‘zbekistonliklarning barchasi Respublika maxsus komissiyasi tomonidan qat'iy belgilangan tartibda 14 kunlik karantinga joylashtirilgan.

Eslatib o‘tamiz, 13 va 19 may kunlari Sankt-Peterburg, 16 mayda Rostov-Don, 17 mayda Qozon shaharlaridan charter reyslar amalga oshirilishi xabar qilingandi. 23 may kuni Novosibirskka parvoz tashkil etilishi kutilmoqda.