ТИВ Консуллик-ҳуқуқий департаменти томонидан фуқаролар қабули тикланди

Ўзбекистон 14:30 / 18.05.2020 1309

2020 йил 18 майдан бошлаб Ўзбекистон ТИВ Консуллик-ҳуқуқий департаменти томонидан санитар-гигиеник норма талабларига риоя қилган ҳолда фуқаролар қабули тикланди. 

Ташқи ишлар вазирлиги хабарига кўра, бу республикада эпидемиологик ҳолат барқарорлашгани ва карантин чоралари босқичма-босқич юмшатилаётгани ҳамда аҳолига узлуксиз консуллик-ҳуқуқий хизмат кўрсатишни таъминлаш мақсадида амалга оширилди.

Билдирилишича, қабул амалга оширилаётган бинога кириш йўлаклари пирометр ва антисептик воситалари билан таъминланган. Фуқаролар қабули ижтимоий масофа (2 метр) сақланган ва шахсий ҳимоя воситаларидан (тиббий ниқоб, бир марталик қўлқоп ва антисептик воситалар) фойдаланган ҳолда йўлга қўйилади.

Қабул вақтлари: 10:00 дан 12:00 гача ва 14:00 дан 17:00 гача.

Кўпроқ янгиликлар