O‘zbekistonda koronavirusdan zararlanish holatlari soni 2800ga yaqinlashdi

Sog‘liqni saqlash vazirligi yana 12 kishiga koronavirusdan zararlanish tashxisi qo‘yilgani to‘g‘risida xabar berdi.

«2020 yil 18 may soat 23:00 holatiga ko‘ra, O‘zbekistonda koronavirus infeksiyasi qayd etilganlar soni 2791 nafarni tashkil qilmoqda», deyiladi vazirlik xabarida.

Qayd etilgan yangi kasallanish holatlarining 8 nafari xalqaro yuk tashuvchi avtomashina haydovchilari, 1 nafari Tojikistondan kelib, karantinga olingan, 3 nafari oldindan karantinda bo‘lgan fuqarolar orasidan aniqlangan.

Bugun jami 38ta yangi zararlanish holati qayd etildi, 67 nafar bemor tuzalib, reabilitatsiyaga kuzatildi.

Ayni vaqtda shifoxonalarda yana 464 bemor davolanishni davom ettirmoqda.

#koronavirus