Ўзбекистонда илмий ташкилотларнинг рейтинги тузилади

Ўзбекистон 13:17 / 14.05.2020 2005

Қарор билан Илмий ташкилотлар рейтингини аниқлаш тартиби тўғрисидаги низом тасдиқланди. Инновацион ривожланиш вазирлиги эса ушбу тизимни шакллантириш учун масъул этиб белгиланди

Тошкент шаҳар ҳокимлиги хабарига кўра, эндиликда ушбу вазирлик:

илмий ташкилотларнинг илмий-тадқиқот ва инновацион фаолият даражаси, илмий-тадқиқот ишлари сифати, илмий-инновацион фаолият натижаларини тавсифловчи маълумотлар базасини шакллантириш;

ҳар йили илмий ташкилотлар рейтингини тузиш;

миллий илмий ташкилотларнинг дунёдаги нуфузли илмий марказлар рейтингига киришида амалий ёрдам кўрсатиш;

рейтинг натижалари асосида илмий ташкилотларда илмий-тадқиқот ва инновация ишлари сифатини оширишга киритилган аниқ таклифларни назарда тутувчи республикадаги илмий ташкилотлар фаолияти тўғрисида таҳлилий ахборот тайёрлаш ва Вазирлар Маҳкамасига киритиш фаолияти билан ҳам шуғулланади.

Бўйсунувида илмий ташкилотлар бўлган вазирликлар, идоралар ҳамда илмий ташкилотлар томонидан рейтингни аниқлашга оид маълумотлар ҳар йили 1 февралга қадар Инновацион ривожланиш вазирлигига тақдим этилади ва ўрганиш ҳамда таҳлиллар асосида рейтинг 1 майга қадар аниқланади.

Кўпроқ янгиликлар