Mavritaniya dunyoda birinchi bo‘lib koronavirus ustidan g‘alaba qozonganini e'lon qildi 

Ushbu mamlakat sog‘liqni saqlash vazirligi bayonotiga ko‘ra, oxirgi kunlarda koronavirusdan biror odam vafot etmagan va birorta kasallanish holati qayd qilinmagan. Bu haqda Le Calame nashri xabar berdi. 

Ma'lum qilinishicha, mamlakatda epidemiya vaqtida bor-yo‘g‘i 17 kishi virusga chalingan va bir kishi undan vafot etgan.  

Mavritaniyada 13 mart kuni ilk kasallanish holati qayd etilgandan keyin chegaralar, maktablar, restoranlar va bozorlar yopilgan, odamlar to‘planishi taqiqlangan. Hukumat tungi komendantlik soati e'lon qilgan va shaharlararo tashuvlarni taqiqlagan.