Испания нашри омадсизлар ўнлигини тузди: Ўзбекистон миллий жамоаси собиқ устози энг омадсиз мураббий деб топилди

Спорт 23:42 / 28.04.2020 14748

Нашр талқинига кўра, футбол тарихидаги энг омадсиз футболчи деб аргентиналик Хавьер Маскерано топилган. «Барселона» собиқ футболчиси фаолияти давомида жами 11та финалда мағлубиятга учраган. Шу жумладан, Аргентина миллий жамоаси билан бирга ЖЧ-2014 ва 2004, 2007, 2015, 2016 йилларда Америка кубоги ҳал қилувчи ўйинида бош совринсиз қолган.

Шунингдек, Патрис Эвра ва Арьен Роббен ҳам бу борадаги рейтингнинг дастлабки учлигидан ўрин олган.

Эътиборлиси, Marca нашри Ўзбекистон миллий жамоаси собиқ бош мураббийи Эктор Куперни энг омадсиз мураббий деб топиб, футбол тарихидаги энг омадсизлар қаторига киритган. Рўйхатнинг ўнлигидан 9 футболчи ва бир нафар мураббий жой олган. Гап шундаки, аргентиналик мураббий фаолияти давомида 6та финалда, шу жумладан «Валенсия» клуби билан Чемпионлар лигаси финалида 2 марта аламли мағлубиятларга учраган.
 
Омадсизлар ўнлиги билан танишинг:

1. Хавьер Маскерано (11 финалда мағлубият, шу жумладан ЖЧ-2014, ва 2004, 2007, 2015 ва 2016 йиллардаги Америка кубоги финалида мағлубият).

2. Патрис Эвра (Чемпионлар лигаси финалида энг кўп мағлуб бўлган футболчи).

3. Арьен Роббен (6та финал: 2 марта ЕЧЛ, 3 марта Суперкубок ва 2010 йилги жаҳон чемпионатидаги мағлубият).

4. Михаэль Баллак (2008 йилда бир неча ҳафта ичида ЕЧЛ финали ва Евро-2008 финалида мағлубиятга учраган).

5. Эктор Купер (Фаолияти давомида 6та финалда мағлубиятга учраган).

6. Алессандро Дель Пьеро (ЕЧЛда 3 марта финалда ва Евро-2000 ҳал қилувчи баҳсида мағлуб бўлган).

7. Лотар Маттеус (ЕЧЛ ва ЖЧ финалларида 2 мартадан мағлуб бўлган).

8. Гонсало Игуаин (ЕЧЛ ва Америка кубоги финалида 2 марта мағлуб бўлган).

9. Жанлуижи Буффон (ЕЧЛ финалларида 3 марта мағлубиятга учраган).

10. Антони де Авила (Либертадорес кубоги финалида 2та аламли мағлубиятга учраган).

Кўпроқ янгиликлар