Turkiya prezidenti Rajab Toyyib Erdo‘g‘an mamlakatda tibbiy niqoblar sotilishini taqiqladi.
Aholi tibbiy niqoblarni bepul olishi mumkin.
«Mahalliy hokimiyatlar “ye-davlat” davlat portalida yoki PTT pochtasi saytida tegishli so‘rov qoldirgan fuqarolarimizga tibbiy niqoblarni bepul jo‘natishni boshladi. Niqoblarni sotish taqiqlandi», — dedi Turkiya rahbari.
Jons Hopkins universiteti ma'lumotlariga ko‘ra, Turkiyada koronavirus yuqtirish bilan bog‘liq 27 mingdan ortiq holat qayd etilgan. Mingdan ortiq kishi tuzalgan, 500dan ortiq kishi vafot etgan.