Трамп Ҳиндистонни дори воситалари экспортига тақиқлов киритишига жавоб чоралари кўрилишидан огоҳлантирди 

Жаҳон 07:30 / 07.04.2020 13942

Бу ҳақда АҚШ президенти Дональд Трамп Оқ уйдаги брифингда маълум қилди.  

Трампдан Ҳиндистон бош вазири Нарендра Модининг безгакка қарши дори воситаси – гидроксихлорохиннинг бошқа давлатларга, жумладан АҚШга экспорт қилинишини тўхтатиш қарорига изоҳ бериш сўралган.

“Менга бу қарор ёқмаяпти, бироқ мен бу унинг [Нарендра Моди] қарори эканини эшитганим йўқ. Мен уни бошқа давлатларга тўхтатганини биламан. Агар у бундай қилса [АҚШга экспортни тўхтатса], ажабланган бўлардим, чунки Ҳиндистон АҚШ билан жуда яхши муносабатда”, деб айтган Трамп. 

“У бу ҳақда менга айтиши керак эди. Мен у билан якшанба куни гаплашгандим ва унга бизга мўлжалланган етказмаларни мамлакатдан олиб чиқилишига рухсат берса, буни жуда қадрлашимизни айтганман. Агар у бу етказмаларни олиб чиқишга рухсат бермаса, бу нормал ҳолат бўлади, бироқ, албатта жавоб чоралари кўрилиши мумкин”, деб қўшимча қилган АҚШ президенти.  

Март охирида уханлик тиббиётчилар гидроксихлорохиннинг коронавирусга чалинган беморларни даволашда тўлақонли клиник синовларни ўтказишгани маълум қилинган. Тиббиётчиларнинг фикрича, ушбу восита беморларнинг соғайишида ёрдам беради, бироқ иккиламчи таъсирга эга.

АҚШнинг мутасадди идораларига коронавирусга чалинганларни даволаш учун безгакка қарши қўлланувчи гидроксихлорохин (плаквенил) ва хлорохин воситаларининг миллионлаб дозада етказилишига рухсат берилган.

Кўпроқ янгиликлар