Videoda 3 yigit jonli muloqotda internet foydalanuvchilariga nisbatan haqoratli so‘zlar ishlatayotgani aks etgan.

Holat yuzasidan Toshkent viloyati IIBB tezkor surishtiruv ishlarini olib bordi. Natijada videodagi shaxslar – Toshkent shahar Shayhontohur tumanida yashovchi Sh.A. (2000 y.t.) va J.H.lar (1999 y.t.) aniqlanib, ushlangan.

Videodagi holat shu yilning yanvar oylarida Toshkent shahrida bo‘lib o‘tgan.

«Ushbu shaxslar bilan IIBBda profilaktik suhbat o‘tkazilib, xatti-harakatlari yuzasidan qonuniy chora ko‘rish uchun to‘plangan hujjatlar tegishliligi bo‘yicha Toshkent shahar IIOga yuborildi», – deyiladi viloyat IIBB axborot xizmati xabarida.