«Ayni vaqtgacha O‘zbekistonda koronavirus infeksiyasi bilan kasallanganlik holatlari soni 8taga oshib, 158 nafarni tashkil etmoqda. 
 
Ushbu infeksiya shu yilning 12 martida Turkiyada bo‘lib, kasalligi tasdiqlangan bemor bilan  yaqin muloqotda bo‘lgan 2 nafar namanganlik, ikkinchi marhum bilan yaqin muloqotda bo‘lgan asli navoiylik 2 nafar kishida, ya'ni ona va bolada, shuningdek, bemorlar bilan muloqotda bo‘lgan 4  nafar toshkentlik fuqaroda aniqlandi», deyiladi vazirlik ma'lumotida.

O‘zbekistonda virusdan zararlanishning ilk holati 15 mart kuni qayd etilgandi. O‘tgan vaqt mobaynida bemorlarning 7 nafari sog‘aydi, 2 kishi vafot etdi. Davolanayotgan bemorlarning 20 nafarida pnevmoniya holati kuzatilmoqda. 8 nafar bemorning ahvoli og‘ir, 4 nafarining ahvoli nisbatan og‘irligi ma'lum qilingan.

• So‘nggi ma'lumotlarga ko‘ra, butun dunyoda koronavirusdan zararlanishning 785,8 mingdan oshiq holati qayd etilgan, shundan 37 820 kishi vafot etgan, 165,6 mingdan ortiq kishi sog‘aygan.