«Ҳар қандай вазиятда ҳам тиббиёт ходимларининг касалланиш эҳтимоли сақланиб қолади» – Нурмат Отабеков

Жамият 20:42 / 31.03.2020 4279

«Коронавирус инфекцияси – шифохона шароитида юқиши мумкин бўлган касаллик. Кўп давлатларда мазкур касалликнинг шифохона шароитида юққанини тасдиқловчи ҳолат бор. Демак, бундай жойда ишламоқчи бўлган тиббиёт ходимлари ҳар бири ўзини касалликдан ҳимоя қилишга эришишлари шарт. Қачонки, дезинфекцион ва эпидемияга қарши барча кўрсатмалар бажарилса, шифохона ичидаги шифохона ичида касалланиб қолишнинг олдини олиш учун инфекцион назорат комиссиялари жиддий ишлайдиган бўлса, бу каби касалланишлар олди олинади. Лекин ҳар қандай вазиятда ҳам тиббиёт ходимларининг касалланиш эҳтимоли сақланиб қолади», дея Нурмат Отабековнинг сўзларини келтирмоқда Kun.uz мухбири.

Мутахассис Тошкент шаҳри ва Тошкент вилояти ҳудудида хориждан чартер рейслар орқали олиб келинаётган фуқароларни карантинда сақлаш, коронавирус инфекциясини юқтирганларни даволаш учун қурилаётган махсус шифохоналарга кимлар ишга таклиф этилаётганига ҳам ойдинлик киритди.

«Янги ташкил этилаётган шифохоналарда ишлаш учун асосан юқумли касалликлар шифокорлари, вирусолог, пульмонолог, реаниматолог, педиатр каби мутахассислар ва ўрта тиббиёт ходимлари таклиф этиляпти.

Дейлик, карантин даврида кимгадир туғруқ борасида ёрдам керак бўлиб қолар, кимдир бирорта жарроҳлик амалиётига муҳтож бўлиб қолиши мумкин. Бундай ҳолатда бошқа соҳа мутахассислари ҳам махсус шифохоналарга жалб қилиниши мумкин. Шунинг учун карантиндагиларнинг барча турдаги тиббий хизматларга бўлган эҳтиёжини қондиришимиз керак бўлади», дейди Нурмат Отабеков.

Кўпроқ янгиликлар