Saudiya Arabistoni poytaxtiga berilgan raketa zarbalari bartaraf etildi

Jahon 08:01 / 29.03.2020 54159

Bu haqda koalitsiya vakili polkovnik Turkiy al-Malikiyga tayanib Sky News Arabia telekanali xabar berdi.  

“Sano va Sa'ddan uchirilgan ikkita raketa Ar-Riyod va Jizon ustida Saudiya Arabistoni havo hujumiga qarshi mudofaa kuchlari tomonidan urib tushirildi. Jabrlanuvchilar yo‘q”, deb ma'lum qilingan xabarda. 

Al-Malikiyning ta'kidlashicha, raketalar uchirilishiga husiylar va Eronning Islom inqilobi muhofizlari korpusi aloqador bo‘lib, bu hujum ushbu kuchlar qanday xavf solishini ko‘rsatadi.

O‘z navbatida Saudiya Arabistoni matbuot agentligi harbiylarga tayanib, havoda yo‘q qilingan ballistik raketalar qoldiqlarining yerga tushishidan ikki fuqaro yengil jarohatlar olganini ma'lum qilgan.

Ko‘proq yangiliklar: