Ta'kidlanishicha, vazirlikning o‘zgartirilishi qarori bir qator omillarga bog‘liq, xususan iqtisodiyotni boshqarishning aniq va shaffof mexanizmini yaratish zarurati, erkinlashtirish va bozor munosabatalarini keng qabul qilish sharoitida natijalarga e'tiborni qaratish zarur. Mavjud muammolarni tezkor aniqlash va hal qilish uchun barcha tegishli tuzilmalar faoliyatida birlikni ta'minlaydigan zamonaviy institutsional tizimni shakllantirish talab etiladi.

Vazirlik axborot xizmat tarqatgan xabarga ko‘ra, yangi tuzilmaning asosiy vazifalari 10 asosiy yo‘nalishni qamrab oladi:

•  makroiqtisodiy siyosatni ishlab chiqish, muvofiqlashtirish va amalga oshirish;
•  qashshoqlikni kamaytirish;
•  hududlarning ijtimoiy-iqtisodiy rivojlanishi;
•  tadbirkorlikni rivojlantirish;
•  ustuvor tarmoqlarni rivojlantirish va yagona sanoat siyosatini yuritish;
•  davlat ishtirokidagi korxonalarni o‘zgartirish;
•  davlat investitsiya siyosatini shakllantirish va amalga oshirish;
•  infratuzilmani rivojlantirish va urbanizatsiya siyosatini amalga oshirish;
•  ishbilarmonlik muhiti va mamlakatning xalqaro reytinglardagi mavqeini yaxshilash;
•  jahon hamjamiyati bilan iqtisodiy aloqalarni chuqurlashtirish.

Bildirilishicha, keyingi oy davomida, vazirlik tomonidan Mahalla va oilani qo‘llab-quvvatlash vazirligi xodimlari bilan hamkorlikda barcha vatandoshlarning yashash sharoiti va ijtimoiy holatini o‘rganishadi. Shundan kelib chiqqan holda, ular aholining ijtimoiy zaif qatlami vakillarining boshlang‘ich ro‘yxatlari va fuqarolar yig‘inlarining pasportlarini shakllantirishadi. 

Joriy yilda vazirlik kambag‘allikni kamaytirish chora-tadbirlarini moliyalashtirish uchun 100 milliard so‘m ajratadi. Ushbu maqsadlar uchun zarur mablag‘lar keyinchalik budjetda aks ettiriladi.

Kambag‘al va ishsizlarni, ayniqsa ayollar va yoshlarni tadbirkorlikka jalb qilish, ularning mehnat faolligi va kasbiy tayyorgarligini oshirish bo‘yicha hukumat qarori loyihasini tayyorlash uchun bir oy vaqt berildi.

Ikki oy ichida davlat zaxiralarini boshqarish tizimi va narxlarning keskin ko‘tarilishining oldini olish mexanizmlarini tubdan takomillashtirish to‘g‘risida Prezident qarori loyihasi taqdim etilishi kerak.

Shunigdek, 1 oktabrgacha, vazirlik boshqa idoralar bilan birgalikda muhokama uchun to‘rtta muhim hujjatni taqdim etadi: ijtimoiy-iqtisodiy rivojlanish konsepsiyasi va O‘zbekiston Respublikasining 2030 yilgacha sanoatni rivojlantirish strategiyasi, qashshoqlikni kamaytirish dasturi, shuningdek, davlat rahbarining eng kam iste'mol savati va eng kam ish haqi miqdorini joriy etish to‘g‘risidagi farmoni loyihasi. 

Endi sanoat va hududlarni rivojlantirish bo‘yicha barcha o‘rta va uzoq muddatli konsepsiyalar, strategiyalar va dasturlar yangi vazirlik bilan kelishilgan bo‘lishi kerak. U qabul qilingan ijtimoiy-iqtisodiy hujjatlarni kambag‘allikka ta'siri nuqtai nazaridan tahlil qilishi kerak. 

Vazirlik raqobatni qo‘llab-quvvatlash va monopoliyadan chiqarish, yer munosabatlarini tartibga solish, texnik reglamentlarni qabul qilish, geologik ishlarni olib borish, davlat aktivlarini boshqarish va davlat-xususiy sheriklik mexanizmini takomillashtirish sohasidagi ishlarni muvofiqlashtirishga yordam beradi. Adliya vazirligi bilan birgalikda ma'muriy islohotlarni amalga oshirish uchun javobgar bo‘ladi.

Vazirlik bir qator mavjud va yangi muassasalarni boshqaradi:

• Kichik biznes va xususiy tadbirkorlikni rivojlantirish agentligi barcha viloyatlar, shaharlar va viloyatlardagi filiallari bilan Tadbirkorlikni rivojlantirish agentligi sifatida qayta tashkil etilmoqda.
•  Loyihalarni boshqarish milliy agentligi va Savdo palatasi qoshidagi Respublika tadbirkorlik ta'limi markazi qoshidagi Abu Rayhon Beruniy nomidagi Respublika Oliy biznes va menejment maktabi bazasida Oliy biznes va tadbirkorlik maktabi tashkil etilmoqda.
•  Prognozlash va makroiqtisodiy tadqiqotlar instituti va Sanoat bozorlari va ishlab chiqarishdagi mehnat samaradorligini o‘rganish markazi tuzilmasi yangilanmoqda. Institut qoshidagi «Iqtisodiyot: Tahillar va prognozlar» jurnalining tahririyati davlat unitar korxonasi tugatilmoqda va institut o‘zi nashrni chiqarishda davom etadi.
•  Urbanizatsiya agentligi o‘z vazifalarini vazirlikning o‘ziga topshirish bilan tugatilmoqda.