Тўловларни амалга оширмаса ҳам бўлади деган нотўғри фикр шаклланиб қолмаслиги лозим – МИБ

Ўзбекистон 12:19 / 26.03.2020 8478

«Бюронинг барча бошқарма ҳамда туман-шаҳар бўлимларида тегишли профилактик ва хавфсизлик чоралари кўрилиб, хизмат хоналарига махсус кўргазмали воситалар қўйилиб, дезинфекция ишлари ташкил қилинди, ходимларнинг жамоат ва иш жойларида ниқобларда юриши йўлга қўйилди.

Бироқ, Мажбурий ижро бюроси фаолиятида фуқароларимизнинг бевосита иштироки билан амалга оширилиши лозим бўлган - тармоқлардан ноқонуний  фойдаланиш ҳолатининг олдини олиш, энергия ресурслари учун ҳисоб-китобларга аниқлик киритиб, жой-жойига қўйиш, дарҳол ижро этиладиган ва кечиктириб бўлмайдиган ижро ҳаракатлари билан боғлиқ муҳим ҳаракатлар мавжуд. 

Мажбурий ижро бюроси ходимлари тўлов маданияти ва ижро интизомига риоя этувчи ва асосийси қарздор бўлмаган фуқароларни безовта қилмайди.

Бу жараёнда фуқароларимиз фойдаланилган электр ва табиий газ учун тўловларни амалга оширмаса ҳам бўлар экан деган нотўғри фикрни уйғотмаслиги лозим.

Шу ўринда унутмаслигимиз керакки, ҳозирги мураккаб ва аҳолимизнинг аксарият қисми уйда бўлиб турган вазиятда электр ва табиий газ ресурслари хонадонларимиз фаровонлиги учун муҳим манбадир!

Шуни ҳам таъкидлаш жоизки, аҳолимизнинг асосий қисми бу даврда ўз уйларида бўлишлари сабабли энергия ресурсларига бўлган эҳтиёж янада сезиларли даражада ортиб, тўловларнинг ўз вақтида, амалга оширилмаслиги қарздорликларнинг кўпайишига сабаб бўлади», – деди бюро директори ўринбосари.

Кўпроқ янгиликлар