ОФК Чемпионлар лигасининг 2020 йилги баҳслари давом этиши бўйича клублар ва миллий ассоциацияларга хат йўллади. Бу ҳақда «Пахтакор» клуби расмий сайти хабар бермоқда.
«Унга кўра, кўриб чиқилган ва муҳокамада бўлган уч вариантдан энг қулайи саналган марказлашган формат танлаб олинди. Гуруҳ босқичи учрашувлари бир мамлакатда давом эттирилади. Клублар ва миллий ассоциациялар таклифи асосида ОФК гуруҳ баҳсларини маълум мамлакатга топширади. Ушбу ўйинларнинг август ойидан аввал ўтмаслиги белгиланган. Чунки минтақамизда ёз фасли ҳарорати августдан олдин футбол ўйнашга катта қийинчилик туғдиради», - дейилади расмий хабарда.
Маълумот учун, «Пахтакор» клуби ОЧЛ 2-туридан кейин 6 очко тўплаб, ўз гуруҳида пешқадамлик қилмоқда.
