Мисрдаги эҳромлар мажмуаси дезинфекция қилина бошланди

Жаҳон 23:49 / 25.03.2020 4243

Egypt Independent нашрининг ёзишича, эҳромларга кириш жойи, “кутиш зали”, рентген қурилмалари, ҳожатхоналар ва йўлкаларга антисептик аралашма билан ишлов берилган.

Шунингдек, Катта эҳром олдидаги ёғоч йўллар ҳам дезинфекция қилинган. 

Мисрнинг туризм ва қадимийликлар вазирлиги 21 март куни мамлакатдаги барча археологик объектлар ва музейлар 23-31 март кунларига ёпилишини эълон қилган.

Бу орада 19 мартдан 31 мартгача тўхтатилиши режалаштирилган парвозлар 15 апрелгача тўхтатилган. 

Охирги маълумотларга кўра, Мисрда коронавирусга чалинганлар сони 442 нафарни, вафот этганлар сони эса 21 нафарни ташкил қилмоқда.  

Кўпроқ янгиликлар