«Yuventus» klubi yana bir futbolchisi koronavirus yuqtirib olgani haqida xabar berdi.
Yarimhimoyachi Blez Matyuidining COVID-19 uchun topshirgan testlari ijobiy natija berdi.
Fransiya milliy jamoasi a'zosi 11 martdan beri uyida izolyatsiyada edi.
Bungacha Turin klubida himoyachi Daniele Ruganida ham ushbu kasallik aniqlangan edi.
Ma'lumot uchun, Italiya Xitoydan keyingi o‘rinda koronavirus pandemiyasining asosiy markazi bo‘lib turibdi. Mamlakatda shu kungacha virus tufayli 2 mingdan ortiq kishi vafot etdi.
