Оғир атлетика бўйича Тошкентда ўтиши керак бўлган Осиё чемпионати қолдирилди  

Спорт 21:18 / 06.03.2020 4881

Бу ҳақда Халқаро оғир атлетика федерацияси (IWF) матбуот хизмати маълум қилди. 

Мусобақа 16-25 апрель кунлари Тошкентда ўтказилиши керак эди.

“Бутун дунё бўйлаб коронавирус тарқалиши ва кўплаб давлатларда сафарларга киритилган чекловлар сабабли мусобақа ташкилий қўмитаси Осиё чемпионати ўтказилиш санасини номаълум муддатга кўчиришга қарор қилди”, дейилган IWF хабарида.

17 февралда IWF ижроия қўмитаси Қозоғистон ҳукумати Хитойда коронавирус тарқалиши сабабли Хитой ва у билан чегарадош мамлакатлардан бўлган йўловчиларнинг ҳаракатига чекловлар киритгани туфайли Осиё чемпионатини Ўзбекистонга кўчиришга қарор қилганди. 

Айни вақтда Ўзбекистон коронавирус тарқалиши хавфи сабабли Хитой, Жанубий Корея, Италия, Эрон, Афғонистон ва Япония билан авиаалоқаларни вақтинча тўхтатган.

 

Кўпроқ янгиликлар