Бош прокурорга янги ўринбосарлар тайинланди

Ўзбекистон 01:07 / 11.02.2020 69022

Ўзбекистон Республикаси Бош прокуратурасида бўлиб ўтган йиғилишда янги лавозим тайинловлари амалга оширилди. Бу ҳақдаги маълумотларни Бош прокуратура ахборот хизмати Kun.uz’га тасдиқлади.

3-даражали Давлат адлия маслаҳатчиси Абдухалим Холмаҳматов Бош прокурорнинг биринчи ўринбосари этиб тайинланган.

Абдухалим Холмаҳматов

А.Холмаҳматов тайинловга қадар Ўзбекистон Республикаси Президентининг Қашқадарё вилояти Халқ қабулхонаси мудири лавозимида ишлаган.

Генерал-майор Шуҳрат Шарапович Узоқов Бош прокурор ўринбосари — Ўзбекистон Республикаси Ҳарбий прокурори этиб тайинланган. 

У кунгача Ўзбекистон Республикаси Президентининг Самарқанд вилоятидаги халқ қабулхонаси мудири лавозимида ишлаб келаётган эди.

Шуҳрат Узоқов

Шуҳрат Узоқов 2016 йил 26 августгача ҳам Ўзбекистон Республикаси ҳарбий прокурори лавозимида ишлаган эди. 

Кўпроқ янгиликлар