O‘zbekiston Respublikasi Bosh prokuraturasida bo‘lib o‘tgan yig‘ilishda yangi lavozim tayinlovlari amalga oshirildi. Bu haqdagi ma'lumotlarni Bosh prokuratura axborot xizmati Kun.uz’ga tasdiqladi.

3-darajali Davlat adliya maslahatchisi Abduxalim Xolmahmatov Bosh prokurorning birinchi o‘rinbosari etib tayinlangan.

A.Xolmahmatov tayinlovga qadar O‘zbekiston Respublikasi Prezidentining Qashqadaryo viloyati Xalq qabulxonasi mudiri lavozimida ishlagan.

General-mayor Shuhrat Sharapovich Uzoqov Bosh prokuror o‘rinbosari — O‘zbekiston Respublikasi Harbiy prokurori etib tayinlangan. 

U kungacha O‘zbekiston Respublikasi Prezidentining Samarqand viloyatidagi xalq qabulxonasi mudiri lavozimida ishlab kelayotgan edi.

Shuhrat Uzoqov 2016 yil 26 avgustgacha ham O‘zbekiston Respublikasi harbiy prokurori lavozimida ishlagan edi.