BAA sog‘liqni saqlash vazirligi koronavirus yuqtirish bo‘yicha dastlabki holat qayd etilganini tasdiqladi. Bu haqda Arab News nashri xabar bermoqda.

Vazirlikning ma'lumot berishicha, kasallikka chalinganlar Uxan shahridan bo‘lgan oilaning vakillaridir. Bemorlarning soni ma'lum qilinmayapti, vazirlikning bildirishicha, ularning holati barqaror.

Nashrning qo‘shimcha qilishicha, bu Yaqin sharqda qayd etilgan dastlabki holatdir.

BAA hukumati sog‘liqni saqlash organlari bilan muvofiqlikda tegishli choralarni amalga oshirayotgani xabar qilingan.

Xitoyda yangi koronavirusdan vafot etganlar soni bir kun ichida yana 26 nafarga ko‘payib, umumiy hisobda 132 nafarga, kasallanganlar soni esa 1459 nafarga ko‘payib, 5974 nafarga yetdi. Boshqa davlatlardagi kasallanganlar hisobga olinsa, butun dunyo bo‘ylab ushbu virusdan kasallanganlar soni 6052 nafarga yetdi.