«Бавария» «Реал» футболчисини сафига қўшиб олди

Спорт 18:29 / 22.01.2020 5680

«Реал» ҳимоячиси Альваро Одриосола мавсумнинг қолган қисмини Мюнхеннинг «Бавария» клубида ижара асосида ўтказади.

24 ёшли футболчи янги клуби учун тиббий кўрикдан ўтди ва шартномага имзо чекди. У бугуноқ немислар клуби машғулотларига киришади.

Қанот ҳимоячиси бўлган Одриосола Испания терма жамоасида 4 ўйин ўтказиб, бир гол уришга улгурган. У «Реал»га 2018 йилнинг ёзида «Реал Сосьедад»дан келиб қўшилган, мадридликлар клуби билан клублар ўртасидаги жаҳон чемпионатида ғолиб бўлган.

Жорий мавсумда Одриосола «Реал» сафида 5 ўйинда майдонга тушиб, бир голга узатма берганди.

Кўпроқ янгиликлар