Rossiya Turkiyaga S-400 zenit-raketa majmuasi divizionlari bilan birga 120 tadan ko‘proq boshqariluvchi raketa yetkazib bergan. Bu haqda TASS axborot agentligiga harbiy-diplomatik manba xabar berdi.
“Turkiya S-400’ning ikkita divizioni, 120 tadan ko‘proq zenit raketasi hamda yordamchi qurilmalar, ehtiyot qismlar va asbob-anjomlar olgan”, deb ma'lum qilgan manba. Uning ta'kidlashicha, bitim shartlarida Turkiyaga texnologiyani berish ko‘zda tutilmagan.
Ta'kidlanishicha, S-400’ning qabul qilingani-topshirilgani haqidagi dalolatnoma Turkiya va Rossiya vakillari tomonidan 2019 yil dekabri boshida imzolangan. Hujjat imzolangach Rossiya tomonidan S-400’ga 20 oylik kafolatlangan xizmat ko‘rsatish bandi kuchga kirgan.
“Rosoboroneksport”da yuqoridagi ma'lumotga izoh berishni istashmagan.