Австралияда ёнғинларда нобуд бўлган жонзотлар хотирасига улкан коала тасвири пайдо бўлди 

Жаҳон 19:48 / 21.01.2020 7838

Австралиянинг Желонг шаҳри пляжида “яшил қитъа”нинг рамзларидан бири – коаланинг улкан тасвири пайдо бўлди. 

Таъкидланишича, улкан коала муаллифи ўз ишларини breatheablueocean тахаллуси билан эълон қилувчи австралиялик номаълум рассом ҳисобланади. У бу тасвирни Австралиядаги ўрмон ёнғинларида нобуд бўлган миллионлаб жонзотлар хотирасига яратган.

Мутахассисларнинг тахминий ҳисоб-китобларига кўра, бир неча ой давом этган ёнғинларда миллиарддан кўпроқ жонзот нобуд бўлган. Баъзи турлар йўқ бўлиш хавфи остида қолган. Таъкидланишича, табиий яшаш муҳитидан маҳрум бўлаётган коалалар 2050 йилга келиб ёввойи табиатда қолмаслиги мумкин.

Аввалроқ Австралияга вайронкор ёнғинлардан кейин кучли ёғингарчилик келгани маълум қилинганди. 

Кўпроқ янгиликлар