Президент: «Парламентда кўпчиликни ташкил этадиган партия ва унга мухолифатда бўлган партиялар ўртасида соғлом рақобат бўлиши шарт» 

Ўзбекистон 12:00 / 20.01.2020 3678

Тошкент шаҳрида Ўзбекистон Республикаси Олий Мажлиси Қонунчилик палатасининг сайловдан кейинги биринчи мажлиси бўлиб ўтмоқда. Унда Ўзбекистон президенти Шавкат Мирзиёев иштирок этмоқда. 

«Биз оғир, таҳликали замонда яшаяпмиз. Атрофимизда бўлаётган воқеалар кичкина масалалар эмас. Ўзбекистоннинг эртага яхши бўлишини ҳам, эртанги кунда муносиб бўлишини ҳам хоҳлаганлардан кўра, хоҳламаганлар жуда кўплиги ва ҳеч ким келиб бизга ҳеч нарса қилиб бермаслигини сизлар ҳам кўз олдингизга келтиринглар. Сизлар энди кичкина одам эмассизлар. Депутатнинг қалби, депутатнинг виждони уйғоқ бўлса, вазирлар ҳам, ҳукумат ҳам, парламент ҳам уйғоқ бўлади.

Жаҳондаги илғор тажрибалар орқали партиялар ўз сиёсий манфаатлари, электорати манфаатларини ифода этадиган қонунлар қабул қилиш учун парламентда қизғин баҳс олиб боришлари керак. Бунинг учун парламентда кўпчиликни ташкил этадиган партия ва унга мухолифатда бўлган партиялар ўртасида соғлом рақобат бўлиши ҳам шарт. Агар у нарса бўлмаса, рақобат ҳам бўлмайди. Қўрқманглар, ўрганинглар шуни. Кимдир таклифини айтса, ундан қўрқиб, оёғи ердан узилибди, деб... Йўқ, хато қилган бўлса ҳам ўзининг фикрини айтади. Сизлар тўғриланглар, чиқиб қонуний асослаб беринглар», - деди Шавкат Мирзиёев. 

Кўпроқ янгиликлар