14 yanvar – Vatan himoyachilari kuni munosabati bilan Toshkentdagi Xalqlar do‘stligi maydonida harbiy texnika va qurol-aslahalar ko‘rgazmasi bo‘lib o‘tmoqda.

Maydon bo‘ylab turli harbiy mashinalar, bronetransportyorlar, texnikaviy qurollar va harbiy avtojirlar joylashtirilgan.

Shuningdek, harbiylar dala o‘quv yig‘inlari sharoitida qo‘llaydigan dala palatkasi ham tiklangan bo‘lib, bu tashrif buyuruvchilarda harbiylar hayoti haqida tasavvur beradi.

«Xalqlar do‘stligi» saroyi oldida tashkil etilgan sahnada DXX Chegara qo‘shinlarining harbiy orkestr jamoasi chiqishlar qildi.

Ko‘rgazma O‘zbekiston Qurolli Kuchlari, Davlat xavfsizlik xizmati Chegara qo‘shinlari va Favqulodda vaziyatlar vazirligi tomonidan tashkillashtirilgan.