Avstraliyada bir necha oydan beri davom etayotgan o‘rmon yong‘inlari tutuni yaqin orada Yer atrofini to‘liq aylanib, yana Avstraliyaga qaytadi. Bu haqda NASA mutaxassislari ma'lum qilishdi, deb xabar berdi VVS telekanali.
“Tutun Yer atrofida kamida bir marta to‘liq aylanishi kutilmoqda”, deb aytilgan AQSh koinot agentligida. Ma'lumotlarga ko‘ra, 8 yanvarda tutun Tinch okeanini kesib o‘tib, sayyoramiz atrofidagi yarim yo‘lni bosib o‘tgan.
A fleet of NASA satellites 🛰️ working together has been analyzing the aerosols and smoke from the massive fires burning in Australia.https://t.co/93geNvCBnU pic.twitter.com/ZedZ199lvJ
— NASA Goddard (@NASAGoddard) January 9, 2020
Hozirga kelib Avstraliyadagi katta ko‘lamli yong‘inlar oqibatida 28 kishi halok bo‘lgan, milliarddan ko‘proq jonzot nobud bo‘lgan va 10 mln gektarga yaqin o‘rmon yonib ketgan.
NASA mutaxassislarining ta'kidlashicha, Avstraliyadagi o‘rmon yong‘inlari yonish mahsulotlari 18 km balandlikdagi strastosferada aniqlangan. “Tutun strastosferaga tushgach, o‘z manbaidan minglab millarga to‘zg‘ib ketishi va butun dunyoda atmosferaga ta'sir qilishi mumkin”, deb aytilgan NASA’da.
Koinot agentligida ta'kidlanishicha, Avstraliyadagi yong‘inlar tutuni Janubiy Amerikada osmonning rangi o‘zgarishi va Yangi Zelandiyada havoning ifloslanishi hamda tog‘ cho‘qqilaridagi qorning rangi o‘zgarishiga olib kelgan.