Ҳалифа Ҳафтар ва Фоиз Сарож Москвада учрашади - манба 

Жаҳон 08:49 / 13.01.2020 11900

Ливия миллий армияси қўмондони фельдмаршал Халифа Ҳафтар Москвага келди. Ҳафтар Россия пойтахтида Ливия Миллий келишув ҳукумати бош вазири Фоиз Сарож билан музокаралар ўтказиши мумкин. Бу ҳақда “РИА Новости” ахборот агентлигига Ливиядаги манба хабар қилди.

Сарож эса Москвага 13 январда келади.

11 январда Россия ва Туркия президентлари Владимир Путин ва Ражаб Тоййиб Эрдўған Ливиядаги қарама-қарши томонларни 12 январдан ўт очишни тўхтатишга ҳамда дарҳол музокаралар столи атрофига ўтиришга чақирган. Ҳафтар бу ташаббусни қўллаб-қувватлаган, бироқ Триполига юришни давом эттиришини айтган. Сарож ҳам Ҳафтар армияси ортга қайтарилиши талаби билан ярашувни қўллаб-қувватлаган. Шундан кейин икки томон 12 январга ўтар кечаси жанговар ҳаракатларни тўхтатишга рози бўлган, бироқ исталган қоидабузарлик учун жавоб беришни ваъда қилган.  

Кўпроқ янгиликлар