Ички ишлар вазирига янги ўринбосар тайинланди

Ўзбекистон 09:41 / 08.01.2020 53514

Ички ишлар вазирининг жазони ижро этишни таъминлаш ва ҳарбий тузилмалар бўйича ўринбосари тайинланди.

Вазирлик хабарида айтилишича, генерал-майор Баҳодир Йўлдошевич Мирзараҳимов ички ишлар вазирининг жазони ижро этишни таъминлаш ва ҳарбий тузилмалар бўйича ўринбосари лавозимини эгаллади.

Баҳодир Мирзараҳимов тайинловга қадар Ички ишлар вазирлиги Халқаро аэропортларда хавфсизликни таъминлаш қўшинлари қўмондони лавозимида фаолият юритган.

Шунингдек, Ички ишлар вазирлиги Жазони ижро этиш бош бошқармаси бошлиғи вазифасини бажарувчи тайинланди.

Баҳромбек Қаҳраманович Адилов

Қайд этилишича, полковник Баҳромбек Қаҳраманович Адилов Ички ишлар вазирлиги Жазони ижро этиш бош бошқармаси бошлиғи вазифасини бажарувчи лавозимини эгаллади.

Бундан олдин, полковник Ҳасан Ботиров Ички ишлар вазирлиги Қоровул қўшинлари қўмондони лавозимига тайинлангани хабар берилганди.

Кўпроқ янгиликлар