Eng xavfsiz aviakompaniyalar reytingi e'lon qilindi

Avstraliyaning Qantas aviakompaniyasi dunyodagi eng xavfsiz aviakompaniya deb topildi. Bu haqda mazkur reytingni tuzgan AirlineRatings.com portali xabar berdi.

Yangi Zelandiyaning Air New Zealand va Tayvanning EVA Air aviakompaniyalari keyigi o‘rinlarni band etdi.

Aviakompaniyalar bir nechta omillar, xususan, samolyotlarning ekspluatatsiya muddati, aviahalokatlar va jiddiy halokatlar soni, hukumat tomonidan o‘tkazilgan tekshiruvlar, rentabelligi va boshqa ko‘rsatkichlar bo‘yicha baholandi.

Eng xavfsiz aviatashuvchilar reytingining yuqori yigirmataligidan shuningdek, Etihad, Qatar Airways, Singapore Airlines, Emirates, Alaska Airlines, Cathay Pacific Airways, Virgin Australia, Hawaiian Airlines, Virgin Atlantic Airlines, TAP Portugal, SAS, Royal Jordanian, Swiss, Finnair, Lufthansa, Aer Lingus va KLM kabi aviakompaniyalar o‘rin oldi.

Bundan tashqari, portalda eng xavfsiz arzon aviatashuvchilar ro‘yxati ham berildi. Bu ro‘yxatga Air Arabia, Flybe, Frontier, HK Express, IndiGo, JetBlue, Volaris, Vueling, WestJet va Wizz aviakompaniyalari kiritildi.