«Иссиқлик электр станциялари» АЖ томонидан Ўзбекистон Республикаси Президентининг 2017 йил 21 февралда имзоланган ПҚ-2794 сонли қарори асосида «Фарғона иссиқлик электр маркази» АЖда ва Фарғона шаҳрида 7 мВт ли ва жамият ҳудудида 17 мВт ли юқори самарали когенерацион газ турбина қурилмаларини қуриш белгиланган.
Лойиҳанинг асосий мақсади Ўзбекистон ва Япония давлатлари ўртасидаги ҳамкорликни кучайтириш, юқори самарали, тежамкор технологияларни энергетика соҳасига тадбиқ этиш, ҳамда Фарғона водийсининг электр энергияси, айниқса Фарғона шаҳрида жойлашган саноат корхоналарининг иссиқлик энергиясига бўлган танқислигини бартараф этишдан иборат. Лойиҳа амалга ошириш бўйича Фарғона шахарда 7 мВт ли газ турбина қурилмасини қурилиш монтаж ишлари муддатидан кечиктирмай тасдиқланган режа жадвалига асосан қуриб битказилди ва 2019 йилнинг декабр ойида муваффақиятли ишга туширилди. Бугунги кунда куз-қиш мавсумида янги ишга туширилган газ турбина қурилмаси Фарғона шаҳар аҳолисига иссиқлик ва электр энергиясини етказиб беришни бошлади.
Жумладан ишлаб чиқарилаётган электр энергияси миллий электр тизимига ва иссиқлик энергиясини Фарғона шаҳрининг А.Қодирий даҳасида жойлашган 3850 та хонадондан ташкил топган 78 та кўп қаватли уйларга узлуксиз етказиб берилмоқда.
«Ишга туширилган 7 мВтли газ турбина қурилмасидан йилига қўшимча 58400,0 минг кВт соат электр энергияси тармоққа узатилади ва 63400.0 Гкал иссиқлик энергиясини истеъмолчиларга етказиб берилиши кўзда тутилган. Бу эса электр энергиясини ва иссиқлик энергияси ишлаб чиқариш учун сарфланаётган шартли ёқилғи сарфининг камайишига олиб келади.
Бугунги кунда янги юқори самарали газ турбина қурилмасига хизмат қилиш учун 37 та янги ишчи ўринлари яратилди. Лойиҳа бўйича иккинчи 17 мВтли газ турбина қурилмасини «Фарғона иссилик электр маркази» АЖ ҳудудида қурилиш ишлари режа-графикка асосан жадал суратда олиб борилмоқда ва қурилмани 2021 йил март ойларида ишга туширилиши режалаштирилган», - дейди «Иссиқлик электр станциялари» АЖ бошқарув раиси Р.Г.Мубаракшин.
«Иссиқлик электр станциялари» АЖ Матбуот хизмати
