Shveytsariya parlamenti ikki palataning umumiy majlisida hukumat - Federal kengash a'zolari orasidan 2020 yil uchun mamlakat prezidentini sayladi.
Yirik partiyalar kelgan qarorga ko‘ra, atrof-muhit, transport, energetika va aloqa vaziri Simonetta Sommaruga prezident etib saylangan.
Vitse-prezident lavozimini iqtisodiyot, ta'lim va tadqiqotlar vaziri Gi Parmelen egallagan.
Bundan tashqari, 4 yillik muddatga 7 vazir – Federal kengash a'zolari tanlab olingan. Rasman mamlakatni boshqarish kengash a'zolari tomonidan jamoaviy tarzda amalga oshirilsa-da, ulardan har biri navbati bilan prezident lavozimini egallaydi.