Olib borilgan GRP ishlaridan so‘ng, 10 dekabr kuni G‘arbiy Ernazar konidagi 1-sonli quduqning kunlik debiti 100 ming kub.m gacha ortdi.
Qazib olinayotgan gaz hukumat qaroriga ko‘ra to‘liq hajmda aholi ehtiyoji uchun yo‘naltirilmoqda.
Ishlar yakunlangach, atrof-muhitga yetkazilishi mumkin bo‘lgan zararli ta'sirning oldini olish maqsadida, yondosh hududdagi tuproqda reagentlardan foydalanilgan holda rekultivatsiya o‘tkaziladi.
Gaz uzatish quvurlarining uchta yo‘nalishida qurilish ishlari davom etmoqda: «Nazarquduq YP-Sho‘rtanneftgaz» (67 km); «Tandircha YP-Sho‘rtanneftgaz» (45 km); «Chigil YP-Muborak GQIZ» (110 km).
Quvur tortish ishlari kechayu-kunduz olib borilib, tezlik sur'ati kuniga o‘rtacha 4 km ni tashkil etmoqda.
10 dekabr holatiga ko‘ra jami:
- Keltirish uchun yuklangan quvurlar – 33,3 ming tn;
- Keltirilgan quvurlar – 21,8 ming tn;
- Kavlangan zovurlar – 62,2 km;
- Qatorga payvandlangan quvurlar – 92 km;
- Yotqizilgan quvurlar – 45,3 km ni tashkil etdi.
EPSILON kompaniyasi Matbuot xizmati
