Gretsiya tashqi ishlar vaziri Nikos Dendias agarda Liviya elchisi Turkiya Liviya o‘rtasidagi dengiz hududlari demarkatsiyasi bo‘yicha o‘zaro anglashuv memorandumi matnini taqdim etmaydigan bo‘lsa, u persona non grata deb e'lon qilinishini aytdi.  

Dendias Gretsiya tashqi ishlar vazirligi Liviya elchisidan zudlik bilan memorandum matnini taqdim etishni talab qilganini eslatdi. 

"Agarda Liviya elchisi juma kuni kelishuv matnini taqdim etmasa, u persona non grata deb e'lon qilinadi va mamlakatdan chiqarib yuboriladi", - dedi u.

Kuzatuvchilarning fikricha, Turkiya va Liviya o‘rtasidagi memorandum Gretsiyaning Egey dengizidagi Kastelorizo, Rodos, Krit kabi orollarini o‘z hududiy suvlaridan tashqarida dengiz shelfi nomiga da'vogarlik qilish imkoniyatidan mahrum etishga qaratilgan.