Afsonaviy dzyudochi Ilias Iliadis O‘zbekistonda murabbiylik faoliyatini boshladi. U O‘zbekiston dzyudo jamoasi bosh murabbiyi etib tayinlangan.
Kun.uz manbasi xabar berishicha, u Osaka shahrida o‘tkazilgan «Katta dubulg‘a» turnirida bosh murabbiy sifatida qatnashgan. Ushbu musobaqada Davlat Bobonov va Alisher Yusupov sovrindorlar safidan joy olishgan edi.
Asli Gruziyada tug‘ilib o‘sgan Ilias Iliadis (gruzincha ismi Jarji Zviadauri) Gretsiya fuqarosi bo‘lgan va shu davlat nomidan musobaqalarda qatnashgan. U sportchi sifatida qo‘lga kiritgan ulkan natijalari bilan dzyudo tarixiga kirgan. U Afina olimpiadasi g‘olibi, uch karra jahon chempioni, shuningdek, turli toifadagi xalqaro musobaqalarning bir necha bor g‘olib va sovrindori bo‘lgan.