Мутахассиснинг таъкидлашича, тиш пастаси ёки тишларни чайиш воситасининг оғиз бўшлиғидан ичкарироққа тушиши номақбулдир. Чунки бу воситалар таркибидаги фаол моддаларнинг катта миқдори организмга зарар етказиши мумкин.
Бироқ тиш пастаси ва чайиш воситасида бу моддалар кам миқдорда бўлиб, уларнинг тасодифий ютиб юборилиши хавфли эмас.
Мутахассис фтор сақловчи паста ёки чайиш воситасидан кам миқдорда ютиб юборган болага бир стакан сут ичириб юборишни тавсия қилган.
Унинг қўшимча қилишича, ота-оналар 12 ёшдан кичик болаларнинг тиш ювишларини доим назорат қилишлари лозим.
“Болалар тишини ювиши учун жимжилоғи тирноғидек миқдорда паста бўлиши керак”, деб тавсия қилди мутахассис.
Бундан ташқари, балоғат ёшига етмаган болаларга юмшоқ тиш чўткалари олиб бериш керак, чунки дағал қилли тиш чўткалари тиш эмали ва милкка зарар етказиши мумкин. Шунингдек, табиий қилли тиш чўткаларидан воз кечиш лозим, чунки уларда микроорганизмлар тез тўпланади ва кўпаяди.
