5 та вазн тоифасида собиқ жаҳон чемпиони, америкалик Флойд Мейвезер боксга қайтишни истамаслигини маълум қилди.  

Шу билан бирга, Мейвезер катта гонорарлар тўланувчи кўргазмали жанглар ўтказишга қарши эмас. 

“Мени қайтишга чорлашмоқда, бироқ биринчи навбатда саломатлик туради. Бокс – шафқатсиз спортдир. Охирги йилларда бир нечта йигитлар рингда жон берди. Қўлқопларни михга қачон осиш кераклигини билиш лозим. Менда буюк фаолият бўлган. Мен кўп саёҳат қиламан ва кўргазмали жанглар ўтказаман. Бунинг орқасидан 10 млндан 30 млн долларгача топишим мумкин. Мен бу тарзда ҳозирги боксчиларнинг аксариятидан кўпроқ пул топаман”, деб таъкидлаб ўтган собиқ боксчи. 

Таъкидлаш жоиз, Флойд ўз фаолиятида 50 та жанг ўтказиб, уларнинг ҳаммасида ғолиб бўлган.