Ҳиндистонда муссон ёмғирлар мавсумида 2,4 минг киши ҳалок бўлди

Жаҳон 22:49 / 19.11.2019 8147

Ҳиндистонда жорий йилда муссон ёмғирлар мавсумида 2391 киши ҳалок бўлди, 800 мингдан кўпроқ уйга шикаст етди. Бу ҳақда Ҳиндистон ички ишлар вазири Нитьянанд Раи парламент сўровига жавобан маълум қилди. 

Шунингдек, тошқин, ёмғир ва кўчкилар сабабли 16 мингга яқин йирик шохли чорва нобуд бўлган, 6,4 млн гектар экин майдонларига зарар етган. 

Июнь охирида Жанубий Осиё бўйлаб муссон ўтиб, у охирги 10 йил ичидаги энг кучлиси бўлган. Ёмғирлар мавсуми одатдагидек сентябрда тугамай, октябрда ҳам давом этган. Кучли ёмғирлар тошқинлар, транспорт алоқаси билан муаммолар келтириб чиқарган, бинолар қулашига ва кўплаб бахтсиз ҳодисалар юз беришига олиб келган.

Кўпроқ янгиликлар