Бельгиялик футболчи 10 дақиқа бошқа футболчи кийимида тўп сурди

Спорт 08:10 / 17.11.2019 11484

2020 йилги Европа чемпионатининг Россия ва Бельгия терма жамоалари ўртасидаги саралаш учрашувида бельгиялик футболчи Дедрик Бойата 10 дақиқага яқин ўз жамоадоши кийимида тўп сурди. Бу ҳақда RT нашри хабар берди. 

Ҳимоячи учрашувнинг 2-бўлимида ўйинга тушиши вақтида янглиш тарзда жамоадоши Миши Батшуайининг футболкасини кийиб олган. Батшуайининг ўзи эса бу вақтда захира ўриндиғида бўлган. Бойата шу алфозда 10 дақиқача тўп сургач, хато пайқалиб, у ўз фамилияси туширилган футболкани кийиб олган. 

Санкт-Петербургдаги “Газпром-Арена”да ўтган ўйин бельгияликларнинг 1:4 ҳисобидаги ғалабаси билан якунланди. Учрашув натижасидан қатъий назар, иккала жамоа ҳам аввалроқ Европа чемпионатининг финал босқичига йўлланмани ўзига кафолатлаб қўйганди.

Кўпроқ янгиликлар