Bloger Xushnudbek Xudoyberdiyev Davlat test markazi tomonidan e'lon qilingan 2019-2020-o‘quv yilida umumta'lim maktablari, akademik litsey va kasb-hunar kollejlarida qo‘llanilayotgan darslik va o‘quv-metodik qo‘llanmalar ro‘yxati haqida eslatib o‘tdi.
«Nihoyat Davlat test markazi 2019-2020 o‘quv yilida umumta'lim maktablari, akademik litsey va kasb-hunar kollejlarida qo‘llanilayotgan darslik va o‘quv-metodik qo‘llanmalar ro‘yxatini rasmiy veb-saytida e'lon qildi.
Darsliklar ro‘yxatini quyidagi manzil orqali tegishli fan va tilni tanlagan holda bilishingiz mumkin:
https://dtm.uz/info/textbooks
Demak, 2020-2021 o‘quv yili uchun kelasi yilda bo‘ladigan test sinovlarida savollar ushbu darsliklardan shakllantiriladi.
Mana, shu ma'lumotlarni cho‘zmasdan, oktabr oyidayoq e'lon qilsa bo‘larkan-ku. Hamma narsaning imkoni bor, faqat xohish va harakat bo‘lsa kifoya.
Endi asosiy masala - qaysi yo‘nalishga qaysi fandan test savollari tushishini tezroq ma'lum qilish kerak. Bu bo‘yicha ham yaqin orada yangilik kutamiz», deyiladi postda.